一家大細郊遊放風箏　欠公德心風箏線亂丟令雀鳥翅膀被纏

大自然不只是屬於人類！在假期享受家庭樂，有不少父母計劃帶小朋友親親大自然，野餐、放風箏、賞花草、觀蝶等等，可是有父母不為意，「親親大自然」變成「糟蹋大自然」，更差點殺害無辜的生命。有網民在網絡上載一張被風箏線纏繞翅膀的雀鳥相片，並撰文斥罵沒公德心的港爸港媽，沒做榜樣去愛護大自然，亂掉風箏線，令雀鳥險送命，變成虐待動物。

今日（4月22日），有本港網民於Facebook上載一張相片，相片中，見發帖的網民戴上勞工手套，拿起一隻黑灰白毛色的雀鳥，那雀鳥的左翅膀被黃色風箏線纏繞著，無法動彈飛翔。發帖網民撰文表達感受，不明白為何父母帶小朋友郊遊，不是教導孩子愛惜大自然、愛惜生命，反而去害傷大自然。

我見到嘅係家長好努力去「撲蝶」，不停用個網想捉啲蝴蝶落個預備嘅樽到比仔女玩。

點解嚟放風箏玩完啲風箏線一地都係，唔執好掉入垃圾桶？最終纏住行人嘅腳，我係人類有智慧解得開啲結，但動物呢？雀仔呢？最終傷害咗另外嘅生命。

該網民分享更多的港爸港媽見聞︰「同場加映，父母帶啲仔女黎camping，但大家坐係草地係全家食杯麵。」

被線纏著的小鳥幸好被網民及有心人拯救，好在牠應該不是長時間被纏住，無纏死了隻翼。

清潔叔叔好好人，帶咗佢返屋企休養一日，第二日見雀仔精靈，就帶佢返黎放回大自然。

發帖網民憤怒，表示自己經常看到自私的人類不停殘害地球，人類不停去投訴原居野生或無家動物，表示牠們殘害「人類的地方」，可知道，大自然、地球不只是屬於人類。為何人類無法與大自然共處？

幫動物時，其實不剩止睇到動物慘，最深感受係人的自私多於其他.……仍然堅持（幫動物），因爲我有幸仍然見到少數愛生命的人存在！